ບົດຂຽນ ບົດຂຽນ ທົ່ວໄປ

ເຂົ້າມາອ່ານ: 6761 ຄວາມເຫັນ: 10 Printພີມ
Email to friend ອີ່ເມວລ໌ໄປໃຫ້ຫມູ່
ນັກບິນແອບັສລໍາໃໝ່ ສາຍການບິນລາວ ແມ່ນນັກບິນປອມ ?
1 ຄົນໃຫ້ຄະແນນ: 5 
    ໃຫ້ຄະແນນ
Manager Online / Indochina ວ່ານັກ­ບິນແອບັສລໍາໃໝ່ຂອງ ລາວແອລາຍ ດຽວນີ້ ແມ່ນ­ນັກ­ບິນ­ປອມ ໃຊ້ເອກກະ­ສານ­ປອມ­ມາ­ຢັ້ງ­ຢືນ­ຈໍານວນ­ຊົ່ວໂມງ­ບິນ.
ອັນ­ນີ້ເຮົາກະ­ບໍ່­ຮູ້ວ່າມິເບື້ອງຫລັງເບື້ອງໜ້າແນວໃດຫລືບໍ່ ຂ່າວນີ້ວ່າ ນັກ­ບິນເກົາ­ຫລີໃຕ້­ຄົນ­ນີ້ (Kim Tae-un)ໄດ້ເຄີຍພະ­ຍາຍາມ­ນໍາເຄື່ອງ­ບິນແອບັສ ຂອງ­ວຽດ­ນາມ­ລົງເດີ່ນ­ທີ່ເມືອງ­ປູຊານ ປທ ເກົາ­ຫລີ ລົງ­ຄັ້ງແລກໆ­ບໍ່­ສໍາເລັດ­ທັງໆ­ທີ່­ພາຍໃຕ້­ພາວະ­ປົກກະ­ຕິ ຕ້ອງໄດ້­ນໍາເຄື່ອງ­ບິນ­ຂຶ້ນ­ລົງຫລາຍເທື່ອ ກ່­ວາ­ຊິນໍາ­ລົງ­ຈອດໄດ້ເຫດ­ການເກີດ­ຂຶ້ນເມື່ອ 26 ເມ­ສາ 2554. ຂ່າວປະ­ເພດ­ນີ້ ຖ້າບໍ່­ຈິງ­ກໍທໍາ­ລາຍ­ຊື່­ສຽງ­ຂອງ­ນັກ­ບິນຢ່າງ­ໜັກ
ແຕ່ຖ້າ­ຈິງ ກໍເປັນ­ຕາ­ຫ່ວງ­ນໍາ­ຜົນປະ­ໂຫຍດ­ຂອງ ສປປ ລາວ. ເປັນໄປໄດ້­ບໍວ່າ ສປປລ ຈະ­ບໍ່ໄດ້ກວດ­ປວັດ­ນັກ­ບິນ­ຄັກແນ່ກ່ອນຈະ­ປ່ອຍໃຫ້­ຂັບ
ເຄື່ອງ­ບິນ?

http://www.manager.co.th/IndoChina/ViewNews.aspx?NewsID=9540000149685


:)


ສົ່ງຂໍ້ຄວາມ
ຜູ່ຂຽນ: Papao
ຄະຕິ-ຄໍາຄົມ: ປຸຖຸຊົນ
ອາຊີບ: ຟັງເທສຢູ່ເຮືອນ
ງານອະດີເລກ: ອ່ານ
ຈາກ: USA ສະຫະຣັຖ
ເມື່ອວັນທີ່: 23/11/11 04:17 AM
ປັບປຸງໃໝ່: 23/11/11 04:33 AM
ມີທັງໝົດ: 140 ເລື່ອງ ເບິ່ງບົດຂຽນທັງໝົດຂອງ Papao
ເບີ່ງຄວາມເຫັນແບບ:    ຕາມລໍາດັບ | ຫລ້າສຸດ | ເຫັນດ້ວຍ | ບໍ່ເຫັນດ້ວຍ
# 1 apaphak 23/11/11 05:28 PM (3 ປີ) ຈາກ: muang luplea
­ເຖີງ: Papao
ເປັນ­ຕາ­ຢ້ານເນາະ­! ທ່ານ!
# 2 Papao 23/11/11 07:24 PM (3 ປີ) ຈາກ: USA ສະຫະຣັຖ
­ເຖີງ: apaphak
ຈິງຫລືບໍ່ ກໍເຮັດໃຫ້­ຄົນຢ້ານ ບໍ່ກ້າມາ­ທ່ຽວລາວ ຫລືວ່າ ນີ້­ຄືເລ່ຫລ່ຽມ ທໍາ­ຮ້າຍ­ອຸດ­ສາ­ຫະ­ກໍາ­ທ່ອງທ່ຽວຂອງ­ລາວ.
ຫາກວ່າ­ຈິງ ກໍເປັນ­ສິ່ງ­ທີ່ໜ້າ­ຢ້ານ­ກົວທີ່­ສຸດ ເພາະ­ວ່າແມ່ນເຂົາໃຊ້ເຮືອບິນໃໝ່ຂອງ­ລາວເປັນເຄື່ອງ­ຝຶກຊ້ອມ­ມື (ພ້ອມດ້ວຍ­ຄົນໂດຍ­ສານເຕັມ
ເຄື່ອງ)ເພື່ອຜົນປະ­ໂຫຍດສ່ວນໂຕ. ຫາກຂ່າວບໍ່­ຈິງ­ລາວກໍຍັງເສຍ­ຫາຍ­ຄືເກົ່າ ເພາະ­ເປັນ­ການ­ດູຖູກວ່າການ­ບິນ­ລາວມາດຕະ­ຖານ­ຕໍ່າ.
ຄວາມເຫັນ: 4
ສົ່ງຂໍ້ຄວາມ
# 3 clts 23/11/11 09:49 PM (3 ປີ) ຈາກ: lao
­ເຖີງ: Papao
Please don't believe it pilot who drive ATR &airbus they are Lao 100% no import from oversea der
# 4 Papao 23/11/11 10:09 PM (3 ປີ) ຈາກ: USA ສະຫະຣັຖ
­ເຖີງ: clts
ຂອບໃຈທ່ານ­ທີ່ແວ່­ມາໃຫ້­ຂໍ້­ມູນ­ຕື່ມ ຄັນ­ມີແຕ່­ນັກ­ບິນ­ລາວທັງ­ໝົດ ກໍໃຄແດ່ ບໍ່­ຮູ້ວ່າ­ຂ່າວນັ້ນໄປເອົາ­ຂໍ້­ມູນວ່າເປັນ­ນັກ­ບິນເກາ­ຫລີໃຕ້­ມາແຕ່ໃສ.
# 5 xe thamuak 23/11/11 11:53 PM (3 ປີ) ຈາກ: France
­ເຖີງ: Papao

ໄດ້ເຊັກເບິ່ງຂ່າວຄັກແນ່ແລ້ວເດີ ພົບວ່ານັກ­ບິນ­ປອມ­ຊາວເກົາ­ຫລີໃຕ້ ຊື່ Kim Tae-Hun ນັ້ນ ບໍ່ແມ່ນ­ນັກ­ບິນ­ທີ່­ຂັບ Airbus-320 ຖອດດ້າມໃໝ່ອ່ຽມ­ຂອງ­ສາຍ­ການ­ບິນ­ລາວແຕ່ຢ່າງໃດ ແຕ່ເປັນ­ຜູ້­ຂັບເຄື່ອງປະ­ເພດ ATR-72 ຂອງ­ສາຍ­ການ­ບິນ­ລາວ ສ່ວນ­ນັກ­ບິນ­ທີ່­ຂັບ Airbus-320 ນັ້ນ ເປັນ­ຄົນ­ລາວທີ່ໄດ້­ຮັບ­ການ­ຝຶກໂດຍ­ກົງ­ມາ­ຈາກ­ບໍລິສັດ Airbus ຂອງປະ­ເທດຝຣັ່ງເສດເອງ ກໍຮູ້­ສຶກເປັນ­ທີ່ໜ້າ­ພາກ­ພູມໃຈ

ແນວໃດ­ກໍຕາມ ເປັນ­ທີ່ໜ້າ­ສັງເກ­ດວ່າ Manager On Line ອອກ­ມາເປີດເຜີຍຂ່າວກ່ຽວກັບເລື້ອງ­ນີ້ ແມ່ນຫລັງ­ຈາກ­ທີ່­ສາຍ­ການ­ບິນ­ລາວ
ໄດ້­ຈັດ­ຊື້ Airbus-320 ຈໍານວນ 2 ລໍາ ແລະ­ ໄດ້ເປີດໃຫ້­ບໍລິການເມື່ອມໍ່ໆ­ມານີ້ ໂດຍ­ບິນ­ຕິດ­ຕໍ່ ວຽງ­ຈັນ-ຮາໂນຍ, ວຽງ­ຈັນ-ສິງຄະ­ໂປ ໃນ­ຂັ້ນ­ທໍາອິດ
ຈຶ່ງ­ທໍາໃຫ້ເກີດ­ຄວາມ­ສົງໃສວ່າມີລັບ­ລົມ­ຄົມໃນແນວໃດກ່ຽວກັບ­ການແຂ່ງ­ຂັນ­ທາງດ້ານ­ການຄ້າ­ຫລືບໍ່ ຈຶ່ງ­ມີການເຮັດ­ສົງ­ຄາມ­ການຄ້າ­ຜ່ານ­ສື່­ກັນ
ແນວນີ້

ກ່ຽບ­ກັບ­ປັນ­ຫານີ້ ສາຍ­ການ­ບິນ­ລາວຕ້ອງ­ອອກຖະ­ແຫລງ­ການດ່ວນ ເພື່ອຊີ້ແຈງ­ລາຍລະ­ອຽດກ່ຽວກັບ­ນັກ­ບິນ­ສັນ­ຊາດເກົາ­ຫລີໃຕ້­ຜູ້­ນີ້ ວ່າມີຄວາມເປັນ­ມາແນວໃດ­ຈຶ່ງໄດ້­ມາ­ຂັບ ATR-72 ຂອງ­ສາຍ­ການ­ບິນ­ລາວຫລັງ­ຈາກ­ທີ່ໄດ້ອອກ­ຈາກ­ສາຍ­ການ­ບິນ­ວຽດ­ນາມ ຖ້າ­ຫາກ
ສາຍ­ການ­ບິນ­ລາວຍັງ­ງຽບເສີຍ­ຢູ່ ບໍ່­ມີການ­ຊີ້ແຈງໃດໆ­ ຈະ­ເປັນ­ການສ້າງ­ຄວາມເສຍ­ຫາຍໃຫ້ແກ່­ສາຍ­ການ­ບິນ­ລາວເອງ ໂດຍ­ບັນ­ດາ­ລູກຄ້າ
ຈະ­ຂາດ­ຄວາມເຊື່ອຖືໃນເລື້ອງ­ຄວາມ­ປອດໄພ

ຕາມ­ລາຍ­ງານ­ຂອງ Manager on Line ໂດ­ຍອ້າງກະ­ແສຂ່າວຈາກ­ສໍານັກຂ່າວວຽດ­ນາມ "Dan Tri" ວ່າ Kim Tae-Hun ໄດ້ອອກ
ຈາກ­ສາຍ­ການ­ບິນ­ວຽດ­ນາມ­ນັ້ນແມ່ນຫລັງ­ຈາກ­ທີ່ໄດ້­ນໍາເຮືອບິນ Airbus-320 ຂອງ­ສາຍ­ການ­ບິນ­ວຽດ­ນາມ ຖ້ຽວບິນ VN970 ມີຜູ້ໂດຍ
ສານ 154 ຄົນ ລົງ­ຈອດ­ທີ່ສະ­ໜາມ­ບິນເມືອງ­ພູຊານ ໃນ­ພາກໃຕ້ຂອງປະ­ເທດເກົາ­ຫລີໃຕ້ ບໍ່­ສໍາເລັດໃນ­ຄັ້ງ­ທໍາອິດ ແລະ­ຕ້ອງ­ນໍາເຄື່ອງ­ບິນ
ຂຶ້ນໃໝ່ຫລາຍ­ຄັ້ງ ຈຶ່ງ­ສາມາດ­ລົງ­ຈອດໄດ້

ຫລັງ­ຈາກ­ນັ້ນ ສາຍ­ການ­ບິນ­ວຽດ­ນາມ ກໍປິດຂ່າວງຽບ ແຕ່ໄດ້­ມີການ­ສືບ­ສວນ­ພາຍໃນ ໂດຍໄດ້ເຮັດ­ຈົດ­ໝາຍໄປຍັງ­ບໍລິສັດ­ສາຍ­ການ­ບິນແຫ່ງ
ໜຶ່ງໃນ­ອິນໂດ­ນີເຊຍ ທີ່ Kim Tae-Hun ເຄີຍເຮັດ­ວຽກ ເພື່ອຂໍຂໍ້­ມູນປະ­ຫວັດ­ການ­ບິນ­ຂອງ­ນັກ­ບິນ­ຜູ້ເປັນ­ປັນ­ຫາ ແຕ່­ບໍ່ໄດ້­ຮັບ­ຄໍາ­ຕອບ

ຂໍທົບ­ທວນໃຫ້ທ່ານ­ຜູ້ອ່ານ­ທຸກທ່ານ­ຮູ້ວ່າ ເມື່ອ 4 - 5 ປີຜ່ານ­ມາ ມີກະ­ແສຂ່າວວ່າເກີດ­ອຸບັດ­ຕິເຫດເຮືອບິນໂດຍ­ສານ­ຕົກໃນ­ອິນໂດ­ນີເຊຍເລື້ອຍໆ­
ສາຍ­ການ­ບິນ­ຂອງໄທຍປະ­ເພດ Low Cost "One-to-go" ທີ່­ຕົກ­ຢູ່­ພູເກັດເມື່ອສອງ­ສາມ­ປີຜ່ານ­ມາ ກໍແມ່ນ­ນັກ­ບິນ­ຈາກ­ອິນໂດ­ນີເຊຍ
ເປັນ­ຜູ້­ຂັບ

ຢ່າງໃດ­ກໍຕາມ ສາຍ­ການ­ບິນ­ວຽດ­ນາມ­ກໍບໍ່­ສາມາດ­ປິດຂ່າວງຽບກ່ຽບ­ກັບ­ນັກ­ບິນ "ປອມ" Kim Tae-Hun ນີ້ໄດ້ ເມື່ອສື່ຂອງເກົາ­ຫລີໃຕ້ເອງໄດ້
ເປີດໂປງກ່ຽວກັບ­ປັນ­ຫານີ້ອອກ­ມາ ຈຶ່ງ­ທໍາໃຫ້­ສາຍ­ການ­ບິນ­ວຽດ­ນາມ­ຈໍາເປັນຕ້ອງ­ອອກຖະ­ແຫລງຂ່າວຊີ້ແຈງ ດັ່ງ­ທີ່ກ່າວມາເທິງ­ນັ້ນ ພ້ອມ­ທັງ
ເຜີຍວ່າ Kim Tae-Hun ດຽວນີ້­ທໍາ­ໜ້າ­ທີ່­ຂັບ ATR-72 ໃຫ້ແກ່­ສາຍ­ການ­ບິນ­ລາວ

ສະ­ຫລຸບວ່າ ຂ່າວທີ່ອອກ­ມາ­ຈາກ MANAGER ON LINE ຄັ້ງ­ນີ້ ເປັນ­ສົງ­ຄາມ­ການຄ້າໂດຍ­ມີສື່ເປັນ­ຕົວກາງແທ້ໆ­ ໂດຍ­ສື່­ວຽດ­ນາມພະ­ຍາມ­ຍາມ
ໂຍນ­ມາໃສ່­ທາງ­ລາວ ໂດຍ­ລືມໄປເສຍວ່າໂຕເອງ­ກໍເສຍ­ຫາຍເຊັ່ນ­ດຽວກັນເພາະ­ Kim Tae-Hun ເຄີຍ­ຢູ່­ສາຍ­ການ­ບິນ­ວຽດ­ນາມ ແລະ­ອາດ­ມີ
ນັກ­ບິນ­ອື່ນໆ­ອີກ­ທີ່­ຄືກັນ­ກັບ Kim Tae-Hun ນີ້ (ລາວແລະ­ວຽດ­ນາມເປັນ­ພັນທະ­ມິດ­ກັນ­ທາງ­ການເມືອງ ແຕ່­ທາງ­ການຄ້າແມ່ນ­ບໍ່­ມີໃຜເປັນ­ພັນ
ທະ­ມິດ­ກັບໃຜ ນອກ­ຈາກ­ຜົນປະ­ໂຫຍດ)

ໃນຂະ­ນະ­ທີ່ຂ່າວຂອງ MANAGER ON LINE ນັ້ນ ສ້າງ­ຄວາມເສຍ­ຫາຍໃຫ້­ທັງ­ວຽດ­ນາມແລະ­ລາວ ແລະ­ ເຮົາກໍບໍ່ຄວນ­ລືມວ່າ­ສາຍ­ການ­ບິນ
ໃນໄທຍປະ­ເພດ Low Cost ນັ້ນ ກໍກໍາ­ລັງເກີດ­ຂຶ້ນ­ປານ­ດອກເຫັດ ເພາະ­ສະ­ນັ້ນ­ການເຮັດ­ສົງ­ຄາມ­ການຄ້າ­ສ້າງ­ຄວາມເສຍ­ຫາຍແກ່­ສາຍ
ການ­ບິນ­ອື່ນເພື່ອຜົນປະ­ໂຫຍດແກ່­ຕົນເອງ ເປັນ­ສິ່ງ­ທີ່­ບໍ່ຄວນເບິ່ງຂ້າມ ກໍຍ້ອນເຫດ­ຜົນ­ຄືແນວນີ້­ສາຍ­ການ­ບິນ­ລາວຈຶ່ງ­ມີຄວາມ­ຈໍາເປັນຢ່າງ
ຍິງ­ທີ່ຈະ­ຕ້ອງ­ອອກຖະ­ແຫລງ­ການ­ຊີ້ແຈງກ່ຽວກັບ­ປັນ­ຫານີ້ໃຫ້ແຈ້ງ­ຂາວເພື່ອສ້າງ­ຄວາມໄວ້ເນື້ອເຊື່ອໃຈໃຫ້ແກ້­ລູກຄ້າ ຂພຈ ເອງ ໃຊ້­ບໍລິການ
ຂອງ­ສານ­ການ­ບິນ­ລາວທຸກເທື່ອທີ່ເດີນ­ທາງໄປລາວ

ຮັກແພງ
ເຊ ທ່າມວກ
# 6 Phanpheut 24/11/11 03:33 AM (3 ປີ) ຈາກ: ຄອກງົວ
­ເຖີງ: Papao

ເອົາ­ລົງໄປ ຂຽນ­ລົງໄປ ບິດເບືອນ­ລົງໄປ ແນວໄດປະ­ເທດ­ຊາດຈະ­ເສຽ­ຫາຍ ແມ່ນ ບືນເຂົ້າໄປໂລດ­ນໍ ໂດຍ­ບໍ່­ຄໍານືງ ຈັກ­ດີ້ວ່າ ມັນແມ່ນຫຍັງແທ້ ແລະ­ ຄວາມເປັນ­ມາມັນແມ່ນ ແນວໄດ­ກັນແທ້???

ໃນ­ຄວາມເປັນ­ຈີງ ນີ້­ຄືຂ່າວເຂົາອອກ ໂດຍແມ່ນ ສື່ຫວຽດ­ນາມ ເປີດເຜີຍຂ່າວໂດ­ຍໍາາດ­ຫົວຂໍ້ວ່າ:

ນັກ­ບິນ­ປອມ­ຂັບເຮືອບິນ­ຂອງ­ລາວ :

Dan Tri,24/11/2011: ສໍານັກຂ່າວຂອງ­ຫວຽດ­ນາມ ໄດ້ເປີດເຜີຍວ່າ ທ້າວ Kim Tae-Hun, ນັກ­ບິນ­ສັນ­ຊາດເກົາ­ຫລີ, ໄດ້ໃຊ້ເອກະ­ສານ­ປອມໃນ­ການ­ຮັບ­ຮອງ­ຊົ່ວໂມງ­ບິນ. ເຫດ­ການ­ດັ່ງກ່າວໄດ້ເກີດ­ຂຶ້ນໃນລະ­ຫວ່າງ­ທີ່­ນັກ­ບິນ­ຄົນ­ນີ້ໄດ້­ນໍາເອົາເຮືອບິນ A-320 ຖ້ຽວບິນ VN 970 ຂອງ Vietnam Airlines ລົງ­ຈອດ­ທີ່ສະ­ໜາມ­ບິນເມືອງ­ປູຊານ, ປະ­ເທດເກົາ­ຫລີໃຕ້, ແຕ່­ບໍ່­ສາມາດ ລົງ­ຈອດໄດ້­ຈັກເທື່ອ ຈຶ່ງໄດ້­ນໍາເຮືອບິນ­ດັ່ງກ່າວເຈີດ­ລົງ-ຂຶ້ນຫລາຍ­ຮອບ­ກວ່າ­ຈະ­ລົງ­ຈອດໄດ້. ເຫດ­ການ­ນີ້ໄດ້ເກີດ­ຂຶ້ນເມື່ອວັນ­ທີ 26 ເມ­ສາ 2011, ແຕ່­ຖືກ­ປິດເປັນ­ຄວາມ­ລັບ­ຈົນເຖິງທ້າຍເດືອນ ຕຸລາ 2011 ສໍານັກຂ່າວໃນເກົາ­ຫລີໃຕ້ເປີດເຜີຍ ແລະ­ Vietnam Airlines ຈຶ່ງໄດ້ອອກ­ມາ­ຖະ­ແຫລງ­ຢືນ­ຢັນກ່ຽວກັບຂ່າວດັ່ງກ່າວ. ຫລັງ­ຈາກເກີດເຫດ­ການ, ທ້າວ Kim Tae-Hun ໄດ້­ກັບໄປຍັງ ສາຍ­ການ­ບິນແຫ່ງ­ໜຶ່ງ ຢູ່­ອິນໂດເນເຊຍ ເພື່ອລວບ­ລວມ­ຂໍ້­ມູນ ແລະ­ ຫລັກ­ຖານກ່ຽວກັບ­ຊົ່ວໂມງ­ບິນ­ຂອງ­ຕົນໄປສະ­ເໜີຕໍ່ Vietnam Airlines, ແຕ່­ຜູ້­ບໍລິຫານ­ຂອງ­ສາຍ­ການ­ບິນແຫ່ງ­ຊາດ­ຫວຽດ­ນາມ ສົງໄສວ່າ ເອກະ­ສານ­ດັ່ງກ່າວອາດຈະ­ເປັນ­ຂອງ­ປອມ ຈຶ່ງໄດ້­ສົ່ງ ໜັງ­ສືເຖິງ­ທາງ­ການ­ອິນໂດເນເຊຍ ເພື່ອຂໍຄວາມຮ່ວມ­ມືກ່ຽວກັບເອກະ­ສານ ແລະ­ ຫລັກ­ຖານ­ຂອງ­ນັກ­ບິນ­ຊາວເກົາ­ຫລີຜູ້­ນີ້, ແຕ່­ຍັງ­ບໍ່ ທັນໄດ້ ຮັບ­ຄໍາ­ຕອບເທື່ອ. ນອກ­ນີ້, ສໍານັກຂ່າວ Dan Tri ຍັງ­ລາຍ­ງານໃນ­ວັນ­ທີ 23 ພະ­ຈິກ ວ່າ ປະ­ຈຸບັນ, ທ້າວ Kim Tae-Hun ຂັບເຮືອບິນ ATR ລໍາໃໝ່ຂອງ Lao Airlines.

ຄໍາ­ສະ­ລຸບ:

ໝາຍວ່າ­ຜູ້­ນໍາເອົາບົດ­ນີ້­ມາອອກ ແມ່ນ­ມີຄວາມ­ຈົງໃຈ ໃາ້ຮ້າຍປ້າຍ­ສີ ການ­ບີນ­ລາວ ທັ້ງໆ­ມ­ຮາ ນັກ­ບິນ­ປອມ­ຊາວເກົາ­ຫລີໃຕ້ ຊື່ Kim Tae-Hun ນັ້ນ ບໍ່ແມ່ນ­ນັກ­ບິນ­ທີ່­ຂັບ Airbus-320 ຂອງ ສາຍ­ການ­ບິນ ລາວ ແຕ່ຢ່າງໃດ. ນັກ­ບິນ­ທີ່­ຂັບ Airbus-320 ນັ້ນ ເປັນ­ນັກ­ບີນ ທີ່ເປັນ­ຄົນ­ຄົນ­ລາວ ທີ່ໄດ້­ຮັບ­ການ­ຝຶກໂດຍ­ກົງ ຈາກ­ບໍລິສັດ Airbus ຂອງປະ­ເທດຝຣັ່ງເສດຢ່າງ­ຂັກແນ່.

ຂໍນໍາເດີ້ ຂີ່ເຮືອຖ້າບໍ່­ພາຍ­ຄືໝູ່ ກໍ່­ຂໍຢ່າໄດ້ເອົາ­ຕີນປ້ານນ້ໍາເທາະ­.
# 7 Papao 24/11/11 10:45 AM (3 ປີ) ຈາກ: USA ສະຫະຣັຖ
­ເຖີງ: Phanpheut
ຂໍອະ­ພັຍ­ນໍາ­ທ່ານ Phanpheut ແລະ­ເສັຍໃຈທີ່ທ່ານ­ມີມຸມ­ມອງວ່າ­ທີ່ຂ້າ­ພະ­ເຈົ້າ­ຂຽນ­ລົງ­ນີ້ທ່ານເຫັນວ່າເປັນ­ການໃສ່ຮ້າຍປ້າຍ­ສີແກ່ປະ­ເທດ­ລາວ? ຢາກໃຫ້ເກີດ­ຄວາມເສຍ­ຫາຍແກ່ປະ­ເທດ­ລາວ. ຂໍບອກທ່ານເດີ້ວ່າແນວຄິດແນວນັ້ນ­ບໍ່ເຄີຍ­ມີຢູ່ໃນ­ຈິດໃຈຂ້າ­ພະ­ເຈົ້າ.
ບໍ່­ຮູ້ວ່າ­ທ່ານ­ຊາບເລື່ອງ­ນີ້ໄດ້ຢ່າງໃດ? ຊາບ­ຈາກ­ຂໍ້­ຂຽນ­ນີ້ຫລືບໍ່? ໝາຍ­ຄວາມວ່າເຫັນ­ມີຂ່າວຫຍັງ­ທີ່­ບໍ່­ດີແກ່ເມືອງ­ລາວ ຕ້ອງ­ອຸບ­ມິດໄວ້­ຈຶ່ງເປັນ­ການ­ບໍ່­ທໍາ­ລາຍປະ­ເທດ­ຊາດ?
ຂ້າ­ພະ­ເຈົ້າວ່າ ກ່ອນ­ທີ່ທ່ານຈະ­ຕີລາ­ຄາວ່າ ຜູ້ໃດ­ຂຽນ­ລົງໄປມີເຈດຕະ­ນາບໍ່­ດີສໍາ­ລັບປະ­ເທດ­ຊາດ­ນັ້ນ ຄວນຈະ­ເປີດໃຈເປັນ­ກາງ
ເສຍກ່ອນ ແລ້ວຈຶ່ງໃຊ້­ຈິດໃຈໂຕເອງໄປວັດແທກ­ຈິດໃຈຜູ້­ອື່ນ. ຜູ້­ທີ່­ມາ­ຂຽນ­ລົງ­ນີ້ ບໍ່ແມ່ນ­ມີຈິດໃຈຕໍ່າ­ຊ້າ­ໝົດ­ທຸກ­ຄົນ­ດອກ.
# 8 sbaider 26/11/11 04:05 AM (3 ປີ) ຈາກ: ລ້ານຊ້າງ
­ເຖີງ: Papao

ສະ­ບາຍ­ດີ ທ່ານ ປາເປົ້າ

ອ່ານແລ້ວກໍ່ໜ້າເປັນຫ່ວງ­ນໍາ ແຕ່­ກໍ່ຕ້ອງ­ຟັງ­ຫູໄວ້­ຫູ

ຮັກແພງ

ສບາຍເດີ້
# 9 Dragon 27/11/11 06:33 PM (3 ປີ) ຈາກ: ຈໍາປານະຄອນ.
­ເຖີງ: Papao
ຮ້ວຍ ມັນ­ຄືວ່າ­ສັບ­ສົນແທ້­ນໍ ຈັບ­ບັກ­ນັກ­ບີນ­ປອມ­ນັ້ນ­ມາເຕະ­ກົ້ນ­ມັນ­ລົງ­ຂີ້­ຕົມ­ຈັກ­ບາດສະ­ເປັນຫຍັງ! ທໍາໃຫ້­ຄົນ
ຫຍຸ້ງ­ຕັ້ງ4ປະ­ເທດ ທັງ­ຍັງເຮັດໃຫ້­ຜູ້ໂດຍ­ສານ­ປວດ­ຫົວອີກ. ນຶກວ່າ­ປອມໄດ້ແຕ່ໃບ­ຂັບ­ຂີ່­ຣົດ ໃບ­ຂັບ­ຂີ່­ຍົນກະ­ປອມ
ໄດ້­ນໍ!
ໜ້າ 1 ທັງໝົດ 1 1
ປະເພດບົດຂຽນ:
ເລື່ອງ   ຜູ່ຂຽນ ເຂົ້າມາອ່ານ ຫລ້າສຸດ  
   
ເລື່ອງ   ເຂົ້າມາອ່ານ ຄວາມເຫັນ ຫລ້າສຸດ  
ພາກ ໒ - ­ແປສາ­ຣະ­­ຄະ­­ດີ “ຊາ­ຕາກັມ­ຂອງ­ຄົນ­ລາວທີ່ພວກຄ້າມະ­­ນຸດ­ທີ່ເປັນ­ຄົນ­ລາວຄືກັນ­ທີ່­ມາ­ຈາກແດ­ນ­ອິນ­ຊີ...”   4255 7 Phoubia 2 ປີ
ຕອບບົດຂຽນຂອງອາພັບຮັກ “ຊາ­ຕາກັມ­ຂອງ­ຄົນ­ລາວທີ່­ຖືກ­ພວກຄ້າມະ­ນຸດ­ທີ່ເປັນ­ຄົນ­ລາວຄືກັນ...”   4145 3 ຄສວ 2 ປີ
ຕໍາ­ໝາກ­ຮຸ່ງແຜງ­ຣິດ ຊະ­ນະ­ປະ­ກວດ­ຢູ່ ເທັກ­ຊັສ   3896 3 laosabai 2 ປີ
ຄົນອິສານ ຄົນລາວໂບຮານ ກັບ ຕໍານານ ນິທານທ້ອງຖິ່ນ   5385 0 Papao 2 ປີ
ຄອງວິປັດສະນາກັມມະຖານ   5905 4 Papao 2 ປີ
ໂຕພິມ (ຟອນຕ໌) ເພັດຊະລາດ ແລະ ປະຫວັດພາສາລາວ - ຂອງກະຊວງໄປສະນີ   6393 2 ປາກຊັນສອງສີ 2 ປີ
ພໍ່ເຖົ້າສາ   6043 3 ໂກໂກ 2 ປີ
ສຣະ ເອັຍ, ເອຍ, ເອັຽະ, ເອັຽ, ເອິຍ, ເອີຍ, ແລະ ອັກສອນປະສົມ (ເບິ່ງຂອງເກົ່າ)   5943 6 Papao 2 ປີ
ປີໃໝ່ 2012 ຂໍໃຫ້ສະມາຊິກໃບລານພົບຄວາມສຸກຫລາຍກ່ວາຄວາມທຸກ   5870 0 Papao 3 ປີ
ຍັງຮັກຍັງຄິດເຖິງ - ຕ້ອມ   6258 0 Papao 3 ປີ
ເດັກນ້ອຍເຫລັ້ນນໍ້າຝົນ 28 July 2008   6342 1 ໂກໂກ 3 ປີ
ພະລັງຂອງທໍາມະຊາດສຸດທີ່ມະນຸດຈະຕ້ານທານໄດ້ - ເບິ່ງຕອນ ຊຶນາມິ ຖລົ່ມຍີ່ປຸ່ນ   6334 5 Papao 3 ປີ
ເວນກັມຂອງສາວວຽຕນາມ ເປັນມາແຕ່ເກີດ ຈົນດຽວນີ້ ອາຍຸ ໓໔ ປີ   6025 1 phudoy 3 ປີ
ດຣ.ສຸເນດ ໂພທິສານ ຕອບຂໍ້ຂ້ອງໃຈເລື່ອງບັນຫາ "ການໃຊ້ພາສາລາວ" ແລະ ໂຕ ຣ   6913 9 vathana 3 ປີ
ສໍານັກຂ່າວ ຊິນຫົວ (ຈີນ) ສເນີຂ່າວປະກວດສາວລາວ ໒໐໑໑ - ທິດາລັດ ວົງສິຣິ ຄວ້າມົງກຸດ   6150 0 Papao 3 ປີ